Fuad Qasımzadə
Fuad Feyzulla oğlu Qasımzadə 1930-cu ildə
Bakı şəhərində anadan olmuşdur. 1937-ci ildə Bakı şəhərinin 4 saylı məktəbinə
daxil olmuş, 1947-ci ildə Bakının 1 saylı oğlan orta məktəbini bitirmişdir. O
vaxt məktəbi bitirənlər may, iyun ayında 40 gün ərzində 14 fəndən imtahan
verirdilər.
Fuad Qasımzadə bütün fənlərdə əla qiymət
almışdır. O, əvvəlcə Bakı Dövlət Universitetində əla qiymətlərlə oxumuşdur.
1952-ci ildə fəlsəfə şöbəsini fərqlənmə diplomu ilə bitirmişdir. Elə həmin ildə
fəlsəfə üzrə aspiranturada saxlanılmışdır.
Aspirantlığının ikinci ilində
dissertasiyasını müdafiəyə təqdim etmişdir. Sonrakı illərdə öz həyatını Bakı
Dövlət Universitetinə həsr etmişdir. O, namizədlikdən sonra uğurla diktorluq
dissertasiasını müdafiə etmişdir.
Onun doktorluq dissertasiyası "Füzulinin
dünyagörüşü" adlanır. 1966-cı ildə o, bu əsəri müdafiyə etmişdir. 1968-ci ildə
"Füzulinin dünyagörüşü"nə həsr olunan geniş tədqiqat əsərini çap
etdirmişdir.
1968-ci ildə "Qəm karvanı", yaxud "Zülmətdə
nur" monoqrafiyası çap edilmişdir. Sonrakı illərdə onun Füzuli haqqında 20-dən
çox elmi məqaləsi işıq üzü görmüşdür.
1970-ci ildə Fuad Qasımzadənin "İdman,
gözəllik və estetika" adlı əsəri çap edilmişdir. Azərbaycanda çıxan fəlsəfə
əsərlərinin müəlliflərindən biri də Fuad Qasımzadə
olmuşdur.
Fuad Qasımzadə əvvəlcə AMEA-nın müxbir üzvü,
sonra həqiqi üzvü seçilmişdir. Akademik Fuad Qasımzadə uzun müddət müdafiə
şuralarının üzvü və sədri olmuşdur(hazırda Bakı Dövlət Universitetində fəaliyyət
göstərən daimi şuranın sədridir). Çoxsaylı aspirant və dissertantların elmi
rəhbəri olmuşdur. F.Qasımzadə BDU-nun Texniki fakültələr üzrə fəlsəfə
kafedrasının müdiridir.
|