az  |   tr
Fəlsəfə dünyası

“Fərd və toplum” mövzusunda elmi-fəlsəfi seminar   –  [07.02.2011]

“Fərd və toplum” mövzusunda elmi-fəlsəfi seminar

 

 

Fevral ayının 5-də Fəlsəfə Dünyasında “Fərd və toplum” mövzusunda elmi-fəlsəfi seminar keçirildi.

Tədbirdə Prof. Dr. Səlahəddin Xəlilov, Prof. Dr. Rəbiyyət Aslanova, Prof. Dr. Fərman İsmayılov, Prof. Dr. Cahangir Məmmədli, Prof. Aydın Şirinov, Prof. Dr. Könül Bünyadzadə, Dos. Dr. Lətafət Hümmətova, Dr. Eltac Yüzbaşov, TEDx-ın  Bakı təmçilçiləri, Türkiyə və İrandan gəlmiş qonaqlar, aspirant və magistrlər, jurnalistlər iştirak edirdilər.

Seminarı giriş sözü ilə Prof. Dr. Səlahəddin Xəlilov açdı. O, qeyd etdi ki, bugünkü seminarın mövzusu Fəlsəfi Diskursda qoyulan “damla, ya dərya” dilemmasının beş mümkün həll variantından biridir. Aydın Şirinov, Fərman İsmayılov, Səlahəddin Xəlilov, Rəbiyyət Aslanova, Cahangir MəmmədliDamla öz siması və mənası olan müstəqil bir varlıq kimi başa düşüləndə və dərya da sonsuz deyil, sonlu, lakin çox böyük tərəf kimi götürüləndə, fərd-toplum münasibəti də damla-dərya münasibətinin xüsusi halına çevrilir. Fəlsəfi Diskursda qoyulan suala müvafiq olaraq soruşmaq olar ki, fərd cəmiyyətdə itsə yaxşıdır, yoxsa öz fərdiyyətini qoruyub saxlasa yaxşıdır? Bu halda sanki fərdi azadlıq və ictimai mütəşəkkillik, yaradıcı və normativ düşüncə, orijinallıq və ənənəvilik qarşılaşdırılmış olur. İki kənar hal var: ya tamamilə tərki-dünya olmaq, asketlik, guşənişinlik, ya da tamamilə cəmiyyətdə itib-batmaq, “palaza bürünüb, elnən sürünmək” – hər iki hal ifrat dərəcədə birtərəflidir. Məqsəd şəxsi həyatla ictimai həyatın, fərdi yaradıcılıqla şablon təfəkkürün ortaq məxrəcə gətirilməsi, “qızıl orta”nın tapılmasıdır.

Aydın Şirinov, Fərman İsmayılovRəbiyyət Aslanova, Cahangir Məmmədli, Fəranək Bəvardeh, Xəyalə İbrahimovaProf. Dr. Rəbiyyət Aslanova “palaza bürünüb, elnən sürünmək”, yaxud “el üçün ağlayan iki gözdən olar” və s. bu kimi kəlamların ziyanlı məqamlarından bəhs etdi. Avropada fərdi azadlığa və yaradıcı düşüncəyə daha çox önəm verildiyini və bizim düşüncə tərzimizə xas olan mühitə tez uyğunlaşmaq, necə deyərlər “başını girləmək” kimi cəhətlərin yolverilməzliyini vurğuladı.   Müzakirə zamanı

Müzakirə zamanıProf. Aydın Şirinov, Prof. Cahangir Məmmədli və Prof. Fərman İsmayılov da müzakirəyə qatılaraq öz mövqelərini bildirilər. Daha sonra gənclər də çıxış edərək müasir dövr üçün aktual olan bir sıra məsələləri önə çəkdilər. Dr. Samirə Həsənova, TEDx-n Bakı təmsilçisi İdris Heydərli, tələbə və aspirantlardan Fəranək Bəvardeh, Xəyalə İbrahimova, Günay Piriyeva, Osman Hacıyev onları maraqlandıran məsələlərlə bağlı fikirlərini bildirdilər, suallar verdilər,  mövzu ətrafında geniş müzakirə aparıldı.
Səlahəddin Xəlilov, Elçin MəmmədzadəSamirə Həsənova, Səlahəddin Xəlilov

Seminarın sonunda Fəlsəfi Diskursun qaliblərinə diplomlar və mükafatlar verildi, xatirə şəkilləri çəkildi.
Turan Babazadə, Səlahəddin Xəlilov

 

Baxılıb: 7724    Çap et    Dostuna göndər


 
 Fəlsəfi Diskurs

Hörmətli iştirakçılarımız!

Fəlsəfi Diskurs öz müzakirələrini və fəlsəfi seminarlarını müəyyən müddətə qədər təxirə salır.
 
Yeni tədbirlərimiz barədə məlumatlar veriləcək!

Cavabla
 
  Elmi konfranslar və faydalı linklər
 
 JURNAL
Fəlsəfə və sosial-siyasi elmlər – 2020, № 2 Hər ötən il bizi sürətlə, hızlı bir şəkildə müəmmalı bir gələcəyə daşıyır. Bəşəriyyət/insanlıq sanki yeni bir başlanğıcın bəkləntisindədir. Fəlsəfi fikir də özünün hadisələri qabaqlamaq missiyasında uğurlu ola bilmir. Çünki dünya/cahan bir tərəfdən, elmin/bilimin bəlirlədiyi hakim düşüncə tərzinin yedəyində gedir, digər tərəfdən, elm bu missiya üçün yetərli olmadığından dolayı, sükan sahibsiz qalmış və sükana “siyasi liderlər” yiyələnmişdir.
Ətraflı
 KİTAB
İnsan: kamilliyin arxitektonikası Kitabda kamillik problemi əvvəlcə bir ideya və ruh hadisəsi kimi fəlsəfə tarixi kontekstində, daha sonra isə ictimai bir hadisəsi kimi so­sial fəlsəfə kontekstində araşdırılır.
Ətraflı
Həyatın özü və görünən üzü Kitabda ictimai həyatın müxtəlif sahələri, konkret hadisələr insan həyatının mənası ilə, daxili yaşantılarla qarşılıqlı əlaqədə nəzərdən keçirilir.
Ətraflı
Həyatın özü və görünən üzü Müəllifin publisistik əsərlərindən ibarət ikicildliyin ikinci cildinə ölkəmizdə elm və təhsilin vəziyyəti, aktual problemləri, həmçinin, dil, din, millət, fəlsəfənin milli özünüdərkdə rolu, ziyalı məsuliyyəti haqqında məqalələr daxil edilmişdir.
Ətraflı
"swfobject.js"

© 2010 Fəlsəfə dünyası - Müəllif hüquqları qorunur. Saytdakı məlumatlardan istifadə etdikdə istinad vacibdir. Sayt Elshad100 tərəfindən hazırlanıb.