az  |   tr
Fəlsəfə dünyası

“Şərq və Qərb: ortaq mənəvi dəyərlər, elmi-mədəni
əlaqələr”   –  
[14.02.2010]

“Şərq və Qərb: ortaq mənəvi dəyərlər, elmi-mədəni əlaqələr”

“Şərq və Qərb:

ortaq mənəvi dəyərlər, elmi-mədəni əlaqələr”

 

Şərqşünas alim Aida İmanquliyevanın 70 illik yubileyinə həsr olunan 

Beynəlxalq İbn Ərəbi Simpoziumu

9-11 oktyabr 2009-cu il, Bakı, Azərbaycan

 

9-11 oktyabr 2009-ci il tarixlərində Bakıda XX əsrin tanınmış şərq­şü­nas alimi Aida İmanquliyevanın 70 illik yubileyinə həsr olunan  “Şərq və Qərb: ortaq mənəvi dəyərlər, elmi-mədəni əlaqələr” mövzusunda Beynəl­xalq İbn Ərəbi Simpoziumu keçirilmişdir. Milli Elmlər Aka­de­miyasının və Bö­yük Britaniyanın Oksford Universitetinin İbn Ərəbi Cəmiyyətinin təş­ki­lat­çılığı ilə baş tutan simpoziumun gedişində görkəmli alimin bu istiqamətdə tədqiqatları və araşdırmaları ətrafında müzakirələr aparılmışdır. Simpo­zium­da A.İmanquliyevanın yaradıcılığında Şərq-Qərb mədəniyyətlərinin qarşı­lıq­lı təsiri və əlaqələri, ortaq mənəvi dəyərləri, sivilizasiyaların yeni inkişaf mər­hələsinin mədəni təməlini formalaşdıran amillər, İbn Ərəbinin bədii, fəl­səfi yaradıcılığı ilə Azərbaycan klassik ədəbiyyatı arasında əlaqə və digər mövzularda məruzələr dinlənilmiş, bu istiqamətdə müasir dünya elmini dü­şün­­dürən problemlər ətraflı müzakirə olunmuşdur.

Simpoziumun ilk iclası Azərbaycan Milli Elmlər Akademiyasının (AMEA) Nizami Gəncəvi adına Milli Azərbaycan Ədəbiyyatı Muzeyində "Pro­fessor Aida İmanquliyevanın elmi yaradıcılığında Şərq və Qərb" möv­zu­sunda təşkil edilmiş ilk iclasa Moskva Dövlət Universitetinin Bakı fi­li­a­lı­nın rektoru, professor Nərgiz Paşayeva, akademik Aleksandr Kudelin və pro­­fessor Səlahəddin Xəlilov həmsədrlik etmişlər.

Tədbirdə akademik Aleksandr Kudelinin rus dilində, AMEA-nın müx­bir üzvü Səlahəddin Xəlilovun Azərbaycan, rus və türk dillərində çap edil­miş kitablarının təqdimatı keçirilmişdir.

İclasda professorlar Nataliya Priqarina, Vilayət Cəfər, Gövhər Baxşə­li­­yeva, Elxan Əzizov və elmlər doktoru İmamverdi Həmidovun "XIX əsrin bi­­rinci yarısında Şərq və Qərb ədəbiyyatının qarşılıqlı təsiri: yarımçıq di­a­lo­qun davamı", "Ərəb ədəbiyyatşünaslığında Şərq-Qərb ədəbi əlaqələrinin öy­rə­­nilməsi və Aida İmanquliyevanın tədqiqatları", "İbn Ərəbi və Azərbaycan ədə­­bi-fəlsəfi fikir ənənələri", "Şərq ədəbiyyatında romantizmə dair", "Gör­kəm­­li şərqşünas alim, professor Aida İmanquliyevanın Azərbaycan şərq­şü­nas­­lıq elminin inkişafında rolu", "Aida İmanquliyevanın məqalələri" və "Ba­kı Dövlət Universitetinin şərqşünaslıq fakültəsində "Ərəb ədəbiyyatı" fən­ni­nin tədrisində professor Aida İmanquliyevanın rolu" mövzularında məru­zə­lə­ri dinlənilmişdir.

Professorlar Rafael Hüseynovun və Qasım Kakainin həmsədrliyi ilə ke­çirilmiş növbəti iclasın mövzusu "İbn Ərəbi Şərqdə və Qərbdə: oxşarlıqlar və fərqlər"ə həsr olunmuşdur.

İclasda professor Rafiq Əliyev, tədqiqatçı Stefan Hirtenşteyn, elmlər dok­torları Sonya Useynova, Anar Əzimov və dosent Yelena Papçenkonın "Mə­nim eşqim şimşək və onun parıltıları üçündür: İbn Ərəbinin təlimləri işı­ğında Şərq və Qərb müzakirələri", "Sartrın ekzistensializmi və işraqilik: mü­qayisəli təhlil", "İbn Ərəbinin poetik yaradıcılığında lirik poeziyanın ənə­nə­vi motivləri və obrazları", "Qərb və Şərq təfəkküründə oxşarlıqlar və zid­diy­yətlər", "İbn Ərəbi və Meister Ekhartın Tanrısı: dinlərin Tanrısı filo­sof­la­rın Tanrısı deyil", "Şərq və Qərb mədəniyyətlərinin qarşılıqlı əlaqəsi pro­se­sin­də alimin rolu" mövzularında çıxışları maraqla qarşılanmışdır.

"İbn Ərəbi irsi və təsəvvüf" mövzusuna həsr edilmiş iclasa isə profess­sor Stanislav Prozorov və akademik Ağamusa Axundov həmsədrlik et­miş­lər.

Professorlar Hasan Kamil Yılmaz, Zaim Xenşelaui, Könül Bünyad­za­də, elmlər doktorları Nə­sib Göyüşov, T.Yermakova, Klara Tacikova və təd­qi­­­qatçı Andrey Lukaşev "İbn Ərəbinin düşüncə modelini müəyyənləşdirən əsas aspektlər", "Sankt-Peterburq şərqşünaslığının XIX-XX əsrlərdə dünya din­lərinin tədqiqi metodologiyasının töhfəsi", "İbn Ərəbi ənənələri təsəvvüf fəl­səfəsində", "İbn Ərəbi: "Vəhdəti-vücud" konsepsiyası bəşəri sistemin əx­laq problemi kimi", "Məhəmməd peyğəmbər təsəvvüf ənənəsində Tanrıya mis­­tik sevginin kamil təcəssümü kimi", "Konəvinin "Qırx hədis"ində İbn Ərə­­bi", "Mahmud Şəbüstərinin "Sirlər gülüstanı" poemasında qeyri-islami sim­­volun ontoloji əsasları" mövzularında məruzələrlə çıxış etmişlər.

 

***

AMEA-nın Milli Azərbaycan Tarixi Muzeyində "İbn Ərəbi və klassik Azər­baycan ədəbiyyatı" mövzusunda keçirilmiş iclasa akademik Vasim Məm­mədəliyev və professor Mahmud Erol Kılıc həmsədrlik etmişlər.

Tədbirdə professorlar Denis Qril, Teymur Kərimli, Seyid Hüseyn Nəsr, elmlər doktorları Sesiliya Tvinç, Afaq Əsədova və Lalə Əlizadənin "La­­məkan", "İbn Ərəbi və türk düşünürləri", "Azərbaycan ədəbiyyatı və su­fizm", "Xaqaninin "Şiniyyə" qəsidəsi və ona yazılan nəzirələr", "İbn Ər­ə­bi­nin baxışlarında nurun dönməsi", "Mistisizm və ədəbiyyat: dünən, bu gün və sa­bah", "Azərbaycan məktəbi və onun bugünkü əhəmiyyəti" mövzularında məruzələri dinlənilmişdir.

Akademik Nailə Vəlixanlının və doktor Mehmet Rıhtımın rəhbərlik et­­­dikləri "İbn Ərəbinin hərf simvolizmi, hürufilik və işraqilik təlimləri"nə həsr edilmiş iclasda professorlar Azadə Musayeva, Əliyar Səfərli, elmlər dok­­torları Pərvanə Bayram, Möhsün Nağısoy, Yanis Esots və Səadət Şı­xı­ye­va­nın "Seyid Nigaridə İbn Ərəbi təsiri və vəhdəti-vücud", "Azərbaycan tə­səv­­vüfündə İbn Ərəbi təsiri və Seyid Yəhya Bakuvidə hərf-ədəd simvolu", "Zey­nalabdin Şirvani və onun "Bustanül-arifin" əsəri", "İbn Ərəbi və Süh­rə­vər­dinin düşüncəsində kosmik təxəyyül", "İbn Ərəbinin hərf simvolizmi və hü­rufilik təlimi", "Nəsiminin elmi tərcümeyi-halı və nəsimişünaslığın du­rumu" mövzularında çıxışları dinlənilmişdir.

Professor Ceyms Morris və akademik Bəkir Nəbiyevin rəhbərlik et­dik­­ləri bölmə iclasının mövzusu isə "İbn Ərəbi və fəlsəfə"yə həsr edilmişdir.

Tədbirdə professorlar İlham Məmmədzadə, Bəkri Əlaəddin, Zümrüd Qu­luzadə, elmlər doktorları Klod Addas, Əkrəm Dəmirli, Qalya Kurmanqa­li­yeva "İbn Ərəbinin "Əhli-Beyt" anlayışı", "İbn Ərəbinin ağlı tənqidi: tən­zih və təşbih arasında Allahı bilmə", "Müasir dünya tarixinin və keçmiş irsin in­teqral dünyagörüşü", "İbn Ərəbi düşüncəsinin müasir cazibəsi", "Fəlsəfə ta­rixində İbn Ərəbinin tədqiqi kontekstində metodologiya haqqında", "Fü­tu­ha­tül-Məkkiyyə"də əsas fikirlər" və "İbn Ərəbinin fəlsəfi irsinin şərhi haq­qın­da" mövzusunda məruzələr etmişlər.

Müzakirələrdən sonra bölmə iclaslarına yekun vurulmuşdur.

 

AzərTAc

Baxılıb: 7305    Çap et    Dostuna göndər


 
 Fəlsəfi Diskurs

Hörmətli iştirakçılarımız!

Fəlsəfi Diskurs öz müzakirələrini və fəlsəfi seminarlarını müəyyən müddətə qədər təxirə salır.
 
Yeni tədbirlərimiz barədə məlumatlar veriləcək!

Cavabla
 
  Elmi konfranslar və faydalı linklər
 
 JURNAL
Fəlsəfə və sosial-siyasi elmlər – 2020, № 2 Hər ötən il bizi sürətlə, hızlı bir şəkildə müəmmalı bir gələcəyə daşıyır. Bəşəriyyət/insanlıq sanki yeni bir başlanğıcın bəkləntisindədir. Fəlsəfi fikir də özünün hadisələri qabaqlamaq missiyasında uğurlu ola bilmir. Çünki dünya/cahan bir tərəfdən, elmin/bilimin bəlirlədiyi hakim düşüncə tərzinin yedəyində gedir, digər tərəfdən, elm bu missiya üçün yetərli olmadığından dolayı, sükan sahibsiz qalmış və sükana “siyasi liderlər” yiyələnmişdir.
Ətraflı
 KİTAB
İnsan: kamilliyin arxitektonikası Kitabda kamillik problemi əvvəlcə bir ideya və ruh hadisəsi kimi fəlsəfə tarixi kontekstində, daha sonra isə ictimai bir hadisəsi kimi so­sial fəlsəfə kontekstində araşdırılır.
Ətraflı
Həyatın özü və görünən üzü Kitabda ictimai həyatın müxtəlif sahələri, konkret hadisələr insan həyatının mənası ilə, daxili yaşantılarla qarşılıqlı əlaqədə nəzərdən keçirilir.
Ətraflı
Həyatın özü və görünən üzü Müəllifin publisistik əsərlərindən ibarət ikicildliyin ikinci cildinə ölkəmizdə elm və təhsilin vəziyyəti, aktual problemləri, həmçinin, dil, din, millət, fəlsəfənin milli özünüdərkdə rolu, ziyalı məsuliyyəti haqqında məqalələr daxil edilmişdir.
Ətraflı
"swfobject.js"

© 2010 Fəlsəfə dünyası - Müəllif hüquqları qorunur. Saytdakı məlumatlardan istifadə etdikdə istinad vacibdir. Sayt Elshad100 tərəfindən hazırlanıb.