İsveçdə XVII Ümumdünya Sosiologiya Konqresi keçirilmişdir – [09.08.2010]
11-17 iyul 2010-cu il tarixlərində İsveçin Qöteburq şəhərində XVII Ümumdünya Sosiologiya Konqresi keçirilmişdir. Beynəlxalq Sosiologiya Assosiasiyası (ISA) və İsveç Sosiologiya Assosiasiyasının birgə təşkil etdikləri konqresin işində dünyanın müxtəlif ölkələrindən 5007 elm adamı iştirak edirdi.
Konqresin əsas mövzusu kimi təşkilatçılar tərəfindən “ Sosiologiya Hərəkətdə” adı seçilmişdi.
Beynəlxalq Sosiologiya Assosiasiyasının nəzdində daimi fəaliyyət göstərən əlliyə yaxın elmi-tədqiqat qruplarının sessiyalarında dinlənilən məruzələr arasında müasir cəmiyyətdə baş verən sosial və mədəni dəyişikliklər, mədəni plüralizm və relyativizm, müasir cəmiyyətlərin struktur-funksional sistemlərinin və əhalisinin yaşlanması problemləri, qloballaşma kontekstində sağlamlıq və xəstəlik mövzusu , qloballaşma və qlo-lokal münasibətlər, mədəni müxtəliflik və dialoq mövzusu, modernləşmə və post modernizm, miqrasiya proseslərinin etnik və mədəni müxtəlifliyə təsiri problemləri, təhsil islahatları və ekoloji problematika üstünlük təşkil edirdi. Xüsusilə ekoloji problemlər gündəmin ilk sıralarına yüksəldi. Konqresin həm plenar iclaslarında, həm də tədqiqat qruplarının sessiyalarında tədqiqatçılar əgər qabaqlayıcı tədbirlər vaxtında görülməzsə dünyanın təsisatlanmış canlı mühitini dəyişdirə biləcək mega-risklər və təhlükələr astanasında olduğu qeyd olunmuşdur.
Konqresin işində azərbaycanlı alimlər (Süleymanlı Ə., Quliyev R., Quliyeva S.) də iştirak etmişlər. Şərq-Qərb Tədqiqat Mərkəzinin əməkdaşı, AMEA Fəlsəfə, Sosiologiya və Hüquq İnstitutun aparıcı elmi işçisi, Azərbaycan Sosioloqlar Birliyinin icraçı direktoru Əbülfəz Süleymanlı “23-cü elm və texnolologiya  sosiologiyası” tədqiqat qrupunun sessiyasında “Liberallaşma kontekstində müasir cəmiyyətlərdə elm adamları, tələbələr və universitet arasında qarşılıqlı münasibətlər” məruzəsi ilə çıxış etmişdir.
Konqresdə bir sıra təşkilati məsələlər də müzakirə edilmişdir. Növbəti dörd il üçün həm tədqiqat qruplarında, həm də Beynəlxalq Sosiologiya Assosiasiyasının idarə heyətinə yeni seçimlər keçirilmişdir. Amerikalı sosioloq Maykl Buravoy növbəti dörd il üçün Beynəlxalq Sosiologiya Assosiasiyasının prezidenti postuna seçilmişdir. Növbəti konqresin Yaponiyanın Yakohama şəhərində keçirilməsi qərarlaşdırıldı.
|
|
 Baxılıb: 5177
 Çap et
 Dostuna göndər
|
|
|
| |
| Fəlsəfi Diskurs
|
|
|
Hörmətli iştirakçılarımız!
Fəlsəfi Diskurs öz müzakirələrini və fəlsəfi seminarlarını müəyyən müddətə qədər təxirə salır.
Yeni tədbirlərimiz barədə məlumatlar veriləcək!
|
|
Cavabla
|
|
| |
|
Elmi konfranslar və faydalı linklər
|
| |
| JURNAL |
 |
Hər ötən il bizi sürətlə, hızlı bir şəkildə müəmmalı bir gələcəyə daşıyır. Bəşəriyyət/insanlıq sanki yeni bir başlanğıcın bəkləntisindədir. Fəlsəfi fikir də özünün hadisələri qabaqlamaq missiyasında uğurlu ola bilmir. Çünki dünya/cahan bir tərəfdən, elmin/bilimin bəlirlədiyi hakim düşüncə tərzinin yedəyində gedir, digər tərəfdən, elm bu missiya üçün yetərli olmadığından dolayı, sükan sahibsiz qalmış və sükana “siyasi liderlər” yiyələnmişdir.
|
|
Ətraflı
|
|
| KİTAB |
 |
Kitabda kamillik problemi əvvəlcə bir ideya və ruh hadisəsi kimi fəlsəfə tarixi kontekstində, daha sonra isə ictimai bir hadisəsi kimi sosial fəlsəfə kontekstində araşdırılır.
|
|
Ətraflı
|
|
 |
Kitabda ictimai həyatın müxtəlif sahələri, konkret hadisələr insan həyatının mənası ilə, daxili yaşantılarla qarşılıqlı əlaqədə nəzərdən keçirilir.
|
|
Ətraflı
|
 |
Müəllifin publisistik əsərlərindən ibarət ikicildliyin ikinci cildinə ölkəmizdə elm və təhsilin vəziyyəti, aktual problemləri, həmçinin, dil, din, millət, fəlsəfənin milli özünüdərkdə rolu, ziyalı məsuliyyəti haqqında məqalələr daxil edilmişdir.
|
|
Ətraflı
|
|
"swfobject.js"
|
| |
