AFSEA-nın jurnalı Beynəlxalq İndeks Mərkəzinin siyahısına daxil
edilmişdir – [19.11.2010]
Bu günlərdə ölkəmizə ictimai elmlərin böyük uğuru hesab edilə biləcək şad xəbər gəlmişdir. Azərbaycan Fəlsəfə və Sosial-Siyasi Elmlər Assosiasiyasının (AFSEA) 2003-cü ildən başlayaraq nəşr etdirdiyi "Fəlsəfə və sosial-siyasi elmlər" jurnalı baş ofisi ABŞ-da yerləşən Fəlsəfi Jurnal və Kitabların Beynəlxalq İndeks Mərkəzinin (The Philosopher's Information Center. An International Index to Philosophical Periodicals and Books) siyahısına daxil edilmişdir.
Bir il əvvəl elmi jurnalların indeksləşdirilməsi üzrə beynəlxalq İndex Copernicus'un siyahısına daxil edilən jurnal bu dəfə də ictimai və humanitar elmlər üzrə ilk dəfə olaraq belə bir uğura imza atmışdır.
Bu hadisə Azərbaycan fəlsəfi fikrinin beynəlxalq miqyasda yayılması istiqamətində mühüm addımdır. Bundan sonra jurnalda çıxan bütün məqalələrin ingilis dilində xülasəsi bütün dünya ölkələrinə yayılacaqdır. Digər tərəfdən, The Philosopher's Index-in bütün nömrələri Azərbaycan kitabxanalarına da göndəriləcəkdir. Bu isə respublikamızın fəlsəfə ictimaiyyətinə xarici ölkələrdə aparılan ən son fəlsəfi tədqiqatlar barədə məlumat almaq və müvafiq sahələr üzrə jurnal və kitabları sifariş vermək imkanı yaradacaqdır.
Xatırladaq ki, jurnalın Redaksiya Şurasına dünyanın bir sıra ölkələrini təmsil edən görkəmli elm adamları daxildir. Redaksiya Şurasının sədri akademik Ramiz Mehdiyev, jurnalın baş redaktoru - AMEA-nın müxbir üzvü Səlahəddin Xəlilovdur. Jurnalda Azərbaycanın və xarici ölkələrin tanınmış filosoflarının, politoloq və sosioloqların elmi məqalələri dərc olunmaqla yanaşı, klassik fəlsəfi irs də dilimizə tərcümə edilir, türk dünyasının müasir düşüncə sahibləri oxucularımıza müntəzəm surətdə təqdim olunur, qabaqcıl elmi-fəlsəfi məktəblərin iş təcrübəsinin yayılması məqsədi ilə AFSEA-nın və jurnalın təşəbbüsü ilə beynəlxalq forumlar keçirilir, Azərbaycan alimlərinin beynəlxalq elmi miqyasda fəaliyyəti və çağdaş fəlsəfi proseslərin ölkəmizdə işıqlandırılmasına geniş yer verilir.
Heç şübhəsiz ki, Azərbaycanda çıxan jurnalın beynəlxalq elmi ictimaiyyət tərəfindən maraqla qarşılanması ölkəmizdə gedən ictimai-siyasi və iqtisadi inkişaf proseslərinin daha bir təzahürüdür.
AzərTAc
|
|
 Baxılıb: 5550
 Çap et
 Dostuna göndər
|
|
|
| |
| Fəlsəfi Diskurs
|
|
|
Hörmətli iştirakçılarımız!
Fəlsəfi Diskurs öz müzakirələrini və fəlsəfi seminarlarını müəyyən müddətə qədər təxirə salır.
Yeni tədbirlərimiz barədə məlumatlar veriləcək!
|
|
Cavabla
|
|
| |
|
Elmi konfranslar və faydalı linklər
|
| |
| JURNAL |
 |
Hər ötən il bizi sürətlə, hızlı bir şəkildə müəmmalı bir gələcəyə daşıyır. Bəşəriyyət/insanlıq sanki yeni bir başlanğıcın bəkləntisindədir. Fəlsəfi fikir də özünün hadisələri qabaqlamaq missiyasında uğurlu ola bilmir. Çünki dünya/cahan bir tərəfdən, elmin/bilimin bəlirlədiyi hakim düşüncə tərzinin yedəyində gedir, digər tərəfdən, elm bu missiya üçün yetərli olmadığından dolayı, sükan sahibsiz qalmış və sükana “siyasi liderlər” yiyələnmişdir.
|
|
Ətraflı
|
|
| KİTAB |
 |
Kitabda kamillik problemi əvvəlcə bir ideya və ruh hadisəsi kimi fəlsəfə tarixi kontekstində, daha sonra isə ictimai bir hadisəsi kimi sosial fəlsəfə kontekstində araşdırılır.
|
|
Ətraflı
|
|
 |
Kitabda ictimai həyatın müxtəlif sahələri, konkret hadisələr insan həyatının mənası ilə, daxili yaşantılarla qarşılıqlı əlaqədə nəzərdən keçirilir.
|
|
Ətraflı
|
 |
Müəllifin publisistik əsərlərindən ibarət ikicildliyin ikinci cildinə ölkəmizdə elm və təhsilin vəziyyəti, aktual problemləri, həmçinin, dil, din, millət, fəlsəfənin milli özünüdərkdə rolu, ziyalı məsuliyyəti haqqında məqalələr daxil edilmişdir.
|
|
Ətraflı
|
|
"swfobject.js"
|
| |
