Ön söz

XXI əsr insan intellektinin misilsiz uğurları ilə yanaşı, həm də  bir çox qlo­bal problemlərin kəskinləşməsi, böhranların dərinləşməsi ilə səciyyələ­nir. Həm elmi-texnoloji, həm də ictimai-siyasi proseslərin həddən artıq sü­rət­lənməsi bəşəriyyəti Şərq və Qərb mədəniyyətləri və düşüncə tərzləri ara­sın­da, duyğusal və rasional həyat arasında qərarlaşmaqda olan ahəngin, dün­ya nizamının pozulması və neçə min illər ərzində əldə olunmuş mənəvi-ruh­sal təkamülün itirilməsi təhlükəsi ilə üz-üzə qoymuşdur. 

Sadaladığımız problemlər bütövlükdə İnsan-Dünya münasibətlərinin, həyatın mənası, insanın və bəşəriyyətin ali missiyası ilə bağlı təsəvvürlərin bir daha nəzərdən keçirilməsini, tərəqqinin meyarları, əxlaqi-mənəvi  kri­ter­lər və prioritetlərin yenidən dəyərləndirilməsini tələb edir. Bu isə ancaq yeni dünyagörüşü və yeni fəlsəfi sistemlərin oluşdurulması sayəsində mümkün ola bilər.

UFAD - Uluslararsı Felsefe Araştırmaları Derneği – məhz belə bir şə­ra­it­də fəaliyyətə başlamış, bütün bəşəriyyəti, insanlığı ilgiləndirən kürəsəl məsələlərin yenidən təhlili və  bu dəyişən dünyada Türk Cümhuriyyətlərinin yeri və rolu, Şərq ilə Qərb arasında sadəcə coğrafi-siyasi müstəvidə deyil, həm də fikir müstəvisində körpü oluşdura biləcək araşdırmaların önə çəkil­mə­­­si kimi önəmli bir missiyanı gerçəkləşdirmək vəzifəsini qarşıya qoy­muş­dur. Buna uyğun olaraq jurnalımız da böyük fəlsəfi yaradıcılıq üfüqlərini, həm coğrafi anlamda, həm də fikir və müəllif arealının genişləndirilməsi sa­hə­sində açılmış yeni imkanları dəyərləndirmək, vəzifəsini qarşıya qoyur.  Bu baxımdan, dil məhdudiyyətləri də götürülmüş və indi ən azı dörd dildə - Azər­baycan, Türk, İngilis və Rus dillərində məqalələr işıq üzü görə bi­ləcəkdir.

Bu sayda Türk müəlliflərin məqalələrinə daha çox yer ayrılmışdır ki, bu da Azərbaycan fəlsəfəçilərinə Türkiyəli həmkarlarını daha yaxından tanımaq inkanı verəcəkdir.